ههههه قال ثانويه (عاميه)قال (علشان سكر زياده)

متحان: الثانويه العامه

وزاره: هنديك بالشبشب


امتحان: اللغه العربيه (ان شاء الله هنشوفك السنه الجايه ياباشا)

وقت الاجابه : خلص نفسك واجري

اسم الطالب :ناسي البطاقه في البيت يامعلم

نوع الطلب :علمي علمك

عدد الطلبات :طلب واحد شاي

عنوان المنزل sad.gifفي حاله الانتحار او الوفاه):اول ناصيه علي ايدك اليمين

تليفون رقم :اتنين صفر واربعه خضر
.................................................. .........
هذا الامتحان برعايه بيبسي كولا

دلوقتي بيبسي الصاروخ بجنيه واحد بس هتفضل تغلي لغايه ماتبطلها (وراك وراك)
.................................................. .........
اجب عن الاسئله التعجيزيه الاتيه وعددها 6اجباري وواحد اختياري علي ان يكون مجموع الاسئله سبعه


ملحوظه....(عجله الجازبيه الارضيه 9,8 في حاله لو حبيت تنط من الشباك )
(يسمح بالغش من اللي وراك او من اللي قدامك او من اللي جنبك وطبعا محدش
عارف حاجه عشان يديك ياحلو )

السؤال الاول عشرين درجه........

قال ريكو في اغنيه خلي الشعب يعيش مايلي :

راحت عليكي يادنيا وراح زمن الشهادات
وبقيتي يادنيا ماشيه عالسقفه وعالصاجات
هزيها بالراحه بالراحه تفضلي علطول مرتاحه
هزيهابشويش بشويش خلي الشعب يعيش

......................................

الاسئله :

اشرح الابيات الاخيره من النص بما لايقل عن 90 سطر باختصار شديد(9درجات)
لماذا اكد الشاعر علي القصد الشريف والنيه الصادقه ؟ وعلام يدل قوله (هزيها بشويش بشويش)؟ (3 درجات)
استخرج من البيت الاول محسن ابراهيم ومحسن اسماعيل مبينا نوع كل محسن منهما؟(3درجات)
استخرج من البيت الثالث صورتين فوريتين مبينا نوع الكاميرا ؟(3درجات)

........................................
مساحه خاليه للاعلان...
واحد اتنين الجيش العربي فين
.........................................

السؤال التاني (8 درجات):
اعط اسباب مايلي مع شرح وافي :
تم نقل السوق المالي الي سوق السمك ؟(درجتين)
اقبال الناس علي شراء نوكيا 9990 وعدم شراء نوكيا 9900؟؟(درجتين)
بعد زواج شارون ستون اغلاق شبكه الاخبارPNN ??(درجتين)
اسباب اندلاع الحرب بين .....و....(مش مهم اختار اي حرب )مانت هتعيد كده كده؟(درجتين)
......................................

اخي الممتحن اقلب الصفحه ..والله لتندم ع اليوم اللي دخلت فيه المدرسه
.......................................

السؤال الثالث (اختياري) (5درجات)

اكتب الاسم المستوفي من السؤال؟

ماسم الرجل الذي حط كلاتونه مياه بركه المعدنيه رقم 542341 في سياره نقل القاهره رقم 24654 (ورد زكر اسم هذا الرجل في اكتر من مسلسل تليفزيوني )؟(5درجات)
..................................

فاصل اعلاني ....

غمض عين فتح عين ...اشتري بيتزا تاخد اتنين ..........هذا العرض ساري حتي نفاذ الوقت المحدد للامتحان
...................................

السؤال الرابع (8درجات)

ورد في قناه روتانا فيديو كليب "ليلي نهاري" للمخرج كاميرون كايسيوغناء عمرو دياب

احكيلك ايه خلاص مانت شايف من غير ماقول اكيد انت عارف كلام كتير انا نفسي اقوله وكلام كتير ياريتك تقوله جنبك حياتي دي اجمل حياه .
ماذا كان عمرو دياب يريد ان يقول للمزه ؟(4 درجات)
مانوع الكنبه اللي كان قاعد عليها عمرو في الاغنيه, ومااسم عامل الاسفنج في المصنع مع التوضيح ؟(درجتين)
ماسم صبي الخياط بتاع ام الموديل اللي كانت مع عمرو في الكليب (درجتين)
.................................................. ...

السؤال الخامس( 20 درجه):

موضوع تعبير :

"قال احدهم حسن زعبولا ماشي بيتسلا , محندق الجاكيته , وبيتعايق بالقله .
اكتب نبذه عن حياه ابو حسن زعبولا (الحاج زعبولا ) وازكر تلاته امن اسباب انفصال الحاجه زعبولا عن هندامه زوجته الاولي (20 درجه)
.................................................

بيبسي كولا المشروب الرسمي لهذا الامتحان
................................................
اخي الممتحن ..اقلب الصفحه احسنلك مانت مش عارف اللي فيها ..
.................................................
مارأيك بتصرفات رفيع وفرحه في مسلسل الضوء الشارد ؟؟ مبيننا ماذا سيحدث في فيلم تيتو بعد مقتل تيتو وافتتاح المطعم (5 درجات)
مارأيك بموقف حسام من سريه في فيلم الحقيقه والسراب (5 درجات )
من برأيك افضل واقوي بوكيمون ؟هل هو بيكاتشو؟(5 درجات)
اكتب اسماء ابطال كابتن ماجد . مع بيان فريق كل منهم ؟ وماعدد الاهداف التي سجلها كابتن ماجد (في كأس العالم الاخيره كوريا واليابان 2002 ) (4 درجات)
...............................................

عرض موبينيل الجديد مع سمعان ابو رنه استري كارت ب330 جنيه واحصل علي نص جنيه في الرصيد مجانا
..............................................

سؤال المساعده لرفع الدرجه ...
(ومالوش لازمه اساسا)
أ- اذكر اسماء 3 من رؤساء بلديه لقريه يوكوزوهريتاشاناتا اليابانيه مع عدد السنوات التي ترأسوا فيها البلديه ؟؟

ب -ازكر اسماء زوجات 5 ممن ماتوا في قصف مدينه هيروشيما اليابانيه سنه 1945 بالقنبله الذريه علي ان تكون احداهن شقراء
.............................................

انتهت الاسئله ونلقاكم في امتحان الدور التاني ان شاء الله من غير مقاطعه

ربنا يعينكم علينا

مع تحيات بيبسي كولا المشروب الرسمي لهذا الامتحان